"Real" vingeri Marko Asensio mavsum boshida jamoaning ikkita o‘yinining birortasida ham ishtirok etmadi. Asensioning o‘zi esa murabbiy Karlo Anchelottining qarori tufayli emas, balki klub rahbariyatining iltimosiga ko‘ra maydonga tushmayapti, deb hisoblamoqda, deb xabar beradi Cope. 26 yoshli futbolchi o‘tgan mavsumda "Real"ning uchinchi to‘purar futbolchisi bo‘lgandi.

Marko Asensio “qaymoqranglilar” safida 2015 yildan buyon 235ta o‘yinda maydonga tushib, 49ta gol urdi va 24ta golga assistentlik qildi. Mish-mishlar ispaniyalik futbolchini Premyer-liga yoki A Seriyaga o‘tishi mumkinligi bilan bog‘lashmoqda, ammo hozircha futbolchida hech qanday taklif yo‘q.