"Реал" вингери Марко Асенсио мавсум бошида жамоанинг иккита ўйинининг бирортасида ҳам иштирок этмади. Асенсионинг ўзи эса мураббий Карло Анчелоттининг қарори туфайли эмас, балки клуб раҳбариятининг илтимосига кўра майдонга тушмаяпти, деб ҳисобламоқда, деб хабар беради Cope. 26 ёшли футболчи ўтган мавсумда "Реал"нинг учинчи тўпурар футболчиси бўлганди.

Марко Асенсио “қаймоқранглилар” сафида 2015 йилдан буён 235та ўйинда майдонга тушиб, 49та гол урди ва 24та голга ассистентлик қилди. Миш-мишлар испаниялик футболчини Премьер-лига ёки А Серияга ўтиши мумкинлиги билан боғлашмоқда, аммо ҳозирча футболчида ҳеч қандай таклиф йўқ.