"Yuventus" hujumchisi Dushan Vlaxovich jamoadoshi Anxel di Mariyani maqtadi.

Argentinalik futbolchi A Seriyaning birinchi turida “Sassuolo”ga qarshi o‘yinda hisobni ochgan bo‘lsa, so‘ng serbga golli uzatmani amalga oshirdi va Vlaxovichning dubli yakunda “Yuventus”ga yirik g‘alabani keltirdi (3:0).

“Anxel bilan o‘ynash katta zavq. Atrofda shunday chempionlar borligi ajoyib. Men uning yordami uchun minnatdorman. U bugun aql bovar qilmas edi”, - deydi Vlaxovich o‘yindan keyingi intervyusida.

22 yoshli hujumchi liga to‘purarlari poygasida o‘zining istiqbollari haqidagi savolga ham shunday javob berdi: "Asosiysi - jamoa. "Yuventus" chempion bo‘lsa va men A Seriyaning eng yaxshi to‘purari bo‘lmasam, albatta shikoyat qilmayman", - dedi Vlaxovich.