Angliya futbol assosiasiyasi “Chelsi” bosh murabbiyi Tomas Tuxelning “ko‘klar” ishtirokidagi o‘yinlardan hakam Entoni Teylorni chetlatish haqidagi iltimosini ko‘rib chiqmadi.
Eslatib o‘tamiz, germaniyalikning fikricha, hakam 2:2 hisobidagi durang bilan yakunlangan "Stemford Brij"da bo‘lib o‘tgan London derbisida "Tottenxem"ning ikkala golini ham hisoblamasligi kerak edi.
Bundan tashqari, Tuxel o‘yindan keyingi xatti-harakati va so‘zlari uchun uzoq muddatli diskvalifikasiya va jarimaga tortilishi mumkin. O‘yin oxirida Tomas va "Tottenxem"dagi hamkasbi Antonio Konte o‘rtasida janjal kelib chiqdi, natijada ikkalasi ham maydondan chetlatildi.