Англия футбол ассоциацияси “Челси” бош мураббийи Томас Тухелнинг “кўклар” иштирокидаги ўйинлардан ҳакам Энтони Тейлорни четлатиш ҳақидаги илтимосини кўриб чиқмади.
Эслатиб ўтамиз, германияликнинг фикрича, ҳакам 2:2 ҳисобидаги дуранг билан якунланган "Стемфорд Бриж"да бўлиб ўтган Лондон дербисида "Тоттенхэм"нинг иккала голини ҳам ҳисобламаслиги керак эди.
Бундан ташқари, Тухель ўйиндан кейинги хатти-ҳаракати ва сўзлари учун узоқ муддатли дисквалификация ва жаримага тортилиши мумкин. Ўйин охирида Томас ва "Тоттенхэм"даги ҳамкасби Антонио Конте ўртасида жанжал келиб чиқди, натижада иккаласи ҳам майдондан четлатилди.