Kimdir g‘alaba orqali kichik inqirozdan chiqib ketadi, yana kimdir esa 3-turdayoq mavsumni muvaffaqiyatsiz deb atashi mumkin.
"Manchester Yunayted" APL 2-turi yakunlariga ko‘ra turnir jadvalida so‘nggi o‘rinda bormoqda. Erik ten Xag shogirdlari mavsumning dastlabki ikki uchrashuvida birorta ham ochko ololmadi, o‘z maydonida "Brayton"ga (1:2) va "Brentford"ga safarda imkoniyatni boy berdi (0:4).
"Manchester Yunayted" navbatdagi o‘yinni 22 avgust kuni o‘tkazadi. "Qizil iblislar" bu safar mavsum avvalini muvaffaqiyatsiz boshlagan (2 o‘yin - 2 durang) "Liverpul"ni qabul qiladi. Klopp jamoasi nafaqat dastlabki ikki turda 4 ochko yo‘qotdi, balki tarkib bilan bog‘liq muammolar mavsum avvallidanoq boshlangandi. "Qizillar" safida naq 9 nafar futbolchi mankunianliklarga qarshi bahsni o‘tkazib yuboradi.
Mersisayd klubida o‘yinni faqatgina jarohatlanganlar emas "Kristal Pelas"ga qarshi bahsdagi (1:1) tajovuzkor xatti-harakati uchun to‘g‘ridan-to‘g‘ri qizil kartochka bilan siylangan Darvin Nunyes ham o‘tkazib yuboradi. "Benfika"dan sotib olingan urugvaylik yosh iqtidor kechagi harakatlari uchun kamida uchta o‘yinga diskvalifikasiya qilinishi kutilmoqda.
"Liverpul" safida jarohat va diskvalifikasiyalar tufayli keyingi o‘yinni o‘tkazib yuboradigan futbolchilar ro‘yxati bilan tanishing:
Kuivin Kellexer
Joel Matip
Ibraxima Konate
Kelvin Ramzi
Tyago Alkantara
Kyortis Djons
Aleks Oksleyd-CHemberlen
Keyd Gordon
Roberto Firmino
Diogu Jota
Darvin Nunyes
