Кимдир ғалаба орқали кичик инқироздан чиқиб кетади, яна кимдир эса 3-турдаёқ мавсумни муваффақиятсиз деб аташи мумкин.
"Манчестер Юнайтед" АПЛ 2-тури якунларига кўра турнир жадвалида сўнгги ўринда бормоқда. Эрик тен Хаг шогирдлари мавсумнинг дастлабки икки учрашувида бирорта ҳам очко ололмади, ўз майдонида "Брайтон"га (1:2) ва "Брентфорд"га сафарда имкониятни бой берди (0:4).
"Манчестер Юнайтед" навбатдаги ўйинни 22 август куни ўтказади. "Қизил иблислар" бу сафар мавсум аввалини муваффақиятсиз бошлаган (2 ўйин - 2 дуранг) "Ливерпуль"ни қабул қилади. Клопп жамоаси нафақат дастлабки икки турда 4 очко йўқотди, балки таркиб билан боғлиқ муаммолар мавсум авваллиданоқ бошланганди. "Қизиллар" сафида нақ 9 нафар футболчи манкунианликларга қарши баҳсни ўтказиб юборади.
Мерсисайд клубида ўйинни фақатгина жароҳатланганлар эмас "Кристал Пэлас"га қарши баҳсдаги (1:1) тажовузкор хатти-ҳаракати учун тўғридан-тўғри қизил карточка билан сийланган Дарвин Нуньес ҳам ўтказиб юборади. "Бенфика"дан сотиб олинган уругвайлик ёш иқтидор кечаги ҳаракатлари учун камида учта ўйинга дисквалификация қилиниши кутилмоқда.
"Ливерпуль" сафида жароҳат ва дисквалификациялар туфайли кейинги ўйинни ўтказиб юборадиган футболчилар рўйхати билан танишинг:
Куивин Келлехер
Жоэль Матип
Ибрахима Конате
Кэлвин Рамзи
Тьяго Алькантара
Кёртис Джонс
Алекс Окслейд-Чемберлен
Кейд Гордон
Роберто Фирмино
Диогу Жота
Дарвин Нуньес
