"Arsenal" futbolchisi Nikolya Pepe faoliyatini Liga 1da davom ettirish imkoniyatiga ega.
"Kanonirlar" bosh murabbiyi Mikel Arteta futbolchiga ishonmayapti va klub 27 yoshli futbolchi bo‘yicha takliflarni mamnuniyat bilan ko‘rib chiqadi. Foot Mercato xabariga ko‘ra, Fransiyaning "Nissa" klubi Pepeni ijaraga olishga tayyor.
Nikolya Pepe 2019 yilning yozida 80 million yevro evaziga "Lill"dan "Arsenal"ga o‘tgan edi. O‘shandan beri vinger jamoa safida 112 o‘yin o‘tkazib, 27 gol va 21 golga assistentlik qilgan.













