"Арсенал" футболчиси Николя Пепе фаолиятини Лига 1да давом эттириш имкониятига эга.
"Канонирлар" бош мураббийи Микель Артета футболчига ишонмаяпти ва клуб 27 ёшли футболчи бўйича таклифларни мамнуният билан кўриб чиқади. Foot Mercato хабарига кўра, Франциянинг "Ницца" клуби Пепени ижарага олишга тайёр.
Николя Пепе 2019 йилнинг ёзида 80 миллион евро эвазига "Лилл"дан "Арсенал"га ўтган эди. Ўшандан бери вингер жамоа сафида 112 ўйин ўтказиб, 27 гол ва 21 голга ассистентлик қилган.













