"Lester" himoyachisi Uesli Fofana jamoani tark etmoqchi, deya xabar beradi The Guardian.

Manba bergan xabarga ko‘ra, 21 yoshli fransiyalik futbolchi klub rahbariyatini "Chelsi"ga o‘tish niyati haqida xabardor qilgan. Shuningdek, futbolchi “Lester”ning o‘zi uchun katta pul olmoqchi ekanligidan ham qoniqmayapti.

Oldinroq "Lester" Fofanani sotishga qarshi emasligi va "Chelsi"dan 95 million yevro so‘ragani xabar qilingandi.

Fransiyalik futbolchi o‘tgan mavsumda “Lester” safida 12 o‘yinda 1 ta gol urgan. Transfermarkt portali futbolchining narxini 40 million yevroga baholamoqda.