"Лестер" ҳимоячиси Уэсли Фофана жамоани тарк этмоқчи, дея хабар беради The Guardian.
Манба берган хабарга кўра, 21 ёшли франциялик футболчи клуб раҳбариятини "Челси"га ўтиш нияти ҳақида хабардор қилган. Шунингдек, футболчи “Лестер”нинг ўзи учун катта пул олмоқчи эканлигидан ҳам қониқмаяпти.
Олдинроқ "Лестер" Фофанани сотишга қарши эмаслиги ва "Челси"дан 95 миллион евро сўрагани хабар қилинганди.
Франциялик футболчи ўтган мавсумда “Лестер” сафида 12 ўйинда 1 та гол урган. Transfermarkt портали футболчининг нархини 40 миллион еврога баҳоламоқда.