Madridning “Atletiko” klubi markaziy hujumchisi Alvaro Morata yozda Angliya Premyer-ligasida ishtirok etishi mumkin, deya xabar beradi Cadena Ser.

Manbaga ko‘ra, Ispaniya terma jamoasi hujumchisi xizmatlariga Angliya futbolidagi top-klublardan biri qiziqish bildirgan.

Nomi oshkor etilmagan gigant Moratani 40-45 million yevroga sotib olishga tayyor edi, ammo “matraschilar” boshliqlari bu taklifni rad etishdi. "Atletiko" Alvaroni yangi mavsumda jamoaga foydali deb hisobladi.

Angliyada Morata Londonning “Chelsi” jamoasida o‘ynagan. Ispaniyalik futbolchi o‘tgan mavsumda Turinning "Yuventus" klubida ijara asosida o‘ynagan.