Мадриднинг “Атлетико” клуби марказий ҳужумчиси Альваро Мората ёзда Англия Премьер-лигасида иштирок этиши мумкин, дея хабар беради Cadena Ser.

Манбага кўра, Испания терма жамоаси ҳужумчиси хизматларига Англия футболидаги топ-клублардан бири қизиқиш билдирган.

Номи ошкор этилмаган гигант Моратани 40-45 миллион еврога сотиб олишга тайёр эди, аммо “матрасчилар” бошлиқлари бу таклифни рад этишди. "Атлетико" Альварони янги мавсумда жамоага фойдали деб ҳисоблади.

Англияда Мората Лондоннинг “Челси” жамоасида ўйнаган. Испаниялик футболчи ўтган мавсумда Туриннинг "Ювентус" клубида ижара асосида ўйнаган.