"Everton" yarim himoyachisi Dele Alli faoliyatini Turkiya chempionatida davom ettiradi.
Jurnalist Fabrisio Romano xabariga ko‘ra, 26 yoshli angliyalik futbolchining transferi bo‘yicha ingiliz klubi va "Beshiktosh" kelishib olgan.
Avvalroq turk klubi futbolchini ijaraga olishga yoki uni sotib olishga tayyorligi haqida xabar berilgandi.
Alli "Everton"ga 2022 yil qishki transfer oynasida qo‘shilgan edi. Hujumchi klub safida 13 ta o‘yin o‘tkazgan, biroq gol ura olmagan.