"Ayaks" hujumchisi Mateus dos Santos Antoni faoliyatini ingiliz klubida davom ettirishi mumkin.
Sky Sports xabariga ko‘ra, "Manchester Yunayted" 22 yoshli braziliyalik futbolchi transferi borasida harakatini yana qayta boshladi. Avvalroq ingliz klubi futbolchini olishga harakat qilgan, biroq klublar transfer summasi borasida kelisha olmagan, chunki “Manchester Yunayted” amsterdamliklar olmoqchi bo‘lganidan ancha kam taklif qilgan.
Antonining amaldagi shartnomasi 2025 yilgacha mo‘ljallangan. Transfermarkt portali futbolchining narxini 35 million yevroga baholamoqda.
O‘tgan mavsumda vinger barcha musobaqalarda 32 ta o‘yinda maydonga tushib, 12 ta gol urdi va 10 ta golli uzatmani amalga oshirdi.