"Аякс" ҳужумчиси Матеус дос Сантос Антони фаолиятини ингилиз клубида давом эттириши мумкин.
Sky Sports хабарига кўра, "Манчестер Юнайтед" 22 ёшли бразилиялик футболчи трансфери борасида ҳаракатини яна қайта бошлади. Аввалроқ инглиз клуби футболчини олишга ҳаракат қилган, бироқ клублар трансфер суммаси борасида келиша олмаган, чунки “Манчестер Юнайтед” амстердамликлар олмоқчи бўлганидан анча кам таклиф қилган.
Антонининг амалдаги шартномаси 2025 йилгача мўлжалланган. Transfermarkt портали футболчининг нархини 35 миллион еврога баҳоламоқда.
Ўтган мавсумда вингер барча мусобақаларда 32 та ўйинда майдонга тушиб, 12 та гол урди ва 10 та голли узатмани амалга оширди.
