"Tottenxem" klubi "Atalanta" va Ukraina terma jamoasi yarim himoyachisi Ruslan Malinovskiyga qiziqish bildirmoqda, deya xabar beradi Football Italia.
Manbaga ko‘ra, ingliz klubi italiyaliklar talab qilgan 20 million yevroni to‘lamaslik uchun ukrainalik futbolchi evaziga ispaniyalik himoyachi Serxio Regilonni taklif qilishga tayyor.
Avvalroq Malinovskiy "Atalanta" bosh murabbiyi Jan-Pyero Gasperini bilan janjallashgani haqida xabar berilgandi.
29 yoshli Malinovskiy o‘tgan mavsumda "Atalanta" safida barcha turnirlarda 41 ta o‘yinda maydonga tushib, 10 ta gol urdi va 7 ta golga assistentlik qildi. 25 yoshli Regilon “Tottenxem” safida 31 ta o‘yinda maydonga tushib, 2 ta gol va 3 ta golli uzatmaga mualliflik qilgan.
