"Тоттенхэм" клуби "Аталанта" ва Украина терма жамоаси ярим ҳимоячиси Руслан Малиновскийга қизиқиш билдирмоқда, дея хабар беради Football Italia.
Манбага кўра, инглиз клуби италияликлар талаб қилган 20 миллион еврони тўламаслик учун украиналик футболчи эвазига испаниялик ҳимоячи Серхио Регилонни таклиф қилишга тайёр.
Аввалроқ Малиновский "Аталанта" бош мураббийи Жан-Пьеро Гасперини билан жанжаллашгани ҳақида хабар берилганди.
29 ёшли Малиновский ўтган мавсумда "Аталанта" сафида барча турнирларда 41 та ўйинда майдонга тушиб, 10 та гол урди ва 7 та голга ассистентлик қилди. 25 ёшли Регилон “Тоттенхэм” сафида 31 та ўйинда майдонга тушиб, 2 та гол ва 3 та голли узатмага муаллифлик қилган.
