"Ayaks" yarim himoyachisi Muhammad Kudus faoliyatini "Everton"da davom ettirishi mumkin, deya xabar beradi jurnalist Fabrisio Romano.
Manbaga ko‘ra, 22 yoshli ganalik futbolchiga "irislar" qiziqish bildirmoqda. Kelishuv faoliyatini “Beshiktosh”da davom ettirishi mumkin bo‘lgan Dele Allining ketishiga bog‘liq.
Kudus o‘tgan mavsumda "Ayaks" tarkibida 25 ta o‘yinda maydonga tushib, 6 ta gol urdi va golli uzatmani amalga oshirdi. Transfermarkt portali futbolchining narxini 10 million yevroga baholamoqda.