Fransiya chempionatining 3-turi doirasida "PSJ" "Lill" bilan uchrashadi. Parijliklar jamoasi bosh murabbiyi Kristof Galtye uchrashuvdan oldingi fikrlari bilan o‘rtoqlashdi.
"Yozda ular murabbiylarini almashtirdi va shu bilan o‘yin uslubi ham o‘zgardi. "Lill"ning safida hujumkor o‘yinchilar ko‘p, shuning uchun biz to‘p bilan tezkor bo‘lishimiz kerak. Bu o‘yin "PSJ" uchun yangi mavsumdagi ilk jiddiy sinov bo‘lsa kerak. G‘alaba qozonish uchun maksimal darajada o‘ynashimiz kerak bo‘ladi", - dedi bosh murabbiy klub matbuot xizmatiga.
"Lill" va "PSJ" uchrashuvi 21 avgust, yakshanba kuni bo‘lib o‘tadi.
