"Barselona" La Liganing 2-turida "Real Sosyedad"ni 4:1 hisobida mag‘lub etdi.
Uchrashuvdagi birinchi gol 45-sekunddayoq Robert Levandovski tomonidan kiritildi. Alexandro Baldening uzatmasini polyak golga aylantirdi.
"Sosyedad" o‘yinga tezda qayta oldi - 6-daqiqada Aleksandr Isak tezlikda "Barsa" jarima maydonchasiga yorib kirdi va Mark-Andre Ter-SHtegenni ustidan nafis harakatlar bilan to‘pni darvozaga joylab qo‘ydi.
Kataloniyalik muxlislar navbatdagi golni 66-daqiqagacha kutishga to‘g‘ri keldi. Usmon Dembele tomonidan kiritilgan golga Ansu Fati assistent bo‘ldi.
Fransuz darvozaning chap uzoq burchagiga kuchli zarba bilan to‘pni joylab qo‘ydi.
Ansu bitta golli uzatma bilan to‘xtamadi. Ikkinchi goldan ikki daqiqa o‘tib, Fati yana bir golda ishtirok etdi: u Pedrining o‘tkazgan uzatmasidan so‘ng Levandovskiga uzatma berdi va polshalik uzatmani golga aylantirdi.
79-daqiqada Fati o‘zi gol urdi - Levandovskining oyoq tashqi tomoni bilan "sehrli" uzatmasidan keyin. Ansuning goli yakuniy natijani o‘rnatdi.
O‘yindan so‘ng Robertga uchrashuv bosh hakami Xose Luis Munuyera Montero kelib, o‘tgan hafta o‘g‘irlangan (va qaytarib olingan) soati haqida gapirib u bilan hazillashdi: "Sizga omad tilayman, soatingizga ehtiyot bo‘ling."
O‘z navbatida "Barsa" futbolchilari o‘yindan so‘ng Levandovski haqida bir qancha iliq fikrlar bildirishdi.
"Levandovski 34 emas, 20 yoshga o‘xshaydi. Uning ish uslubi va urgan gollari hayratlanarli”, - deydi Pedri.
"Bavariya"ga qarshi o‘ynaganimizda, men uchun juda og‘ir edi. Robertning hozir bizda o‘ynashi juda ajoyib", - deya qo‘shimcha qildi Dembele.
Xavi yakuniy maqtovni aytdi: “Levandovski o‘yinda o‘zgarishlar qila olishini hamma ko‘rdi. U jamoa uchun namuna, Robert hozirgi va kelajak futbolchisi”.
Eng ta’sirlisi polshalikning o‘yindan keyingi nutqi bo‘ldi - u "Barsa" uchun La Ligadagi ilk gollarini bir vaqtlar Polsha ikkinchi ligasida o‘ynagan va dzyudo bo‘yicha Polsha chempioni bo‘lgan marhum otasi Kshishtof Levandovskiga bag‘ishlagan.
“Bu gollarimni tepadan kuzatib turgan otamga bag‘ishlayman. Men har doim yangi jamoaga gol urganimda shunday qilaman”, - deydi Robert.
