Kazemiro Britaniya vizasi talablariga muvofiq "Real"dan "Manchester Yunayted"ga o‘tishni yakunladi, deb xabar beradi ingliz klubi matbuot xizmati.
Yarim himoyachi yangi klubi bilan 2026 yilning iyuniga qadar shartnoma imzoladi. Kelishuvni yana bir yilga uzaytirish mumkin.
"Manchester Yunayted"da va Premyer-ligada yangi vazifani boshlash imkoniyati juda hayajonli. Faoliyatimda ko‘plab buyuk murabbiylar bilan ishlaganman va Erik ten Xag bilan uchrashib, uning g‘oyalarini eshitganimdan so‘ng, kelgusi yillarda u, uning xodimlari va yangi jamoadoshlarim bilan yaqindan hamkorlik qilishni kutolmadim"
Kazemiro 10 avgust kuni "Real Madrid"ning "Ayntraxt"ga qarshi o‘yinda (2:0) UYEFA Superkubogida "Eng yaxshi futbolchi" deb topildi. Madridliklar bilan birgalikda 30 yoshli yarim himoyachi jami 18 ta sovrinni qo‘lga kiritgan.