"Barselona"ga yozgi transfer oynasida qo‘shilgan 19 yoshli ispaniyalik yarim himoyachi Pablo Torre o‘zining sobiq jamoasi "Rasing"ga qaytishi mumkin, deb xabar beradi Marca.
"Blaugrana" 1 iyul kuni Torre bilan shartnoma imzolaganini e’lon qildi. Bitim narxi 5 million yevroni tashkil qildi. Kataloniyaliklar bosh murabbiyi Xavi Torrega asosiy tarkibga tushmasa, asosiy jamoa bilan mashg‘ulot o‘tkazishini va klub dublida o‘ynashini va’da qildi.
Biroq, yaqinda "Kadis", segundaning bir qator jamoalari singari, Pablo Torre bilan shartnoma imzolashga qiziqish bildirgan. Ammo Torre uchun ustuvor variant - "Rasing"ga qaytish.
Santander va kataloniyaliklar moliyaviy kelishuvga kelishlari kerak. Kelishuv yaqin kunlarda amalga oshishi mumkin.