"Manchester Yunayted" yarim himoyachisi Kazemiro ingliz klubiga pul evaziga o‘tgani haqidagi mish-mishlardan so‘ng tanqidchilarga javob qaytardi.
Avvalroq, 4 yillik shartnomaga ko‘ra, 30 yoshli braziliyalikning maoshi haftasiga taxminan 350 ming yevroni tashkil qilishi xabar qilingandi.
«Meni «Manchester Yunayted»ga pul tufayli o‘tgan deb o‘ylaganlar meni tanimaydi. Menimcha, kamchilik odam shunday deb o‘ylaydi va ular meni tanimaydilar. Sababi pul emas, bu haqiqat emas», - deydi Kazemiro.