"Barselona" hujumchisi Pyer-Emerik Obameyang "Chelsi"ga o‘tadi. Jurnalist Rudi Galettining xabar berishicha, klublar kelishuvga erishgan.
Manbaga ko‘ra, "Chelsi" 33 yoshli gabonlik uchun 20 million yevro to‘laydi, qolganini bonuslar ko‘rinishida to‘lash mumkin.
Obameyang 2022 yilning yanvarida "Arsenal" bilan shartnomasini bekor qilgandan so‘ng erkin agent sifatida "Barselona"ga o‘tgan edi. Hujumchining kataloniyaliklar bilan amaldagi shartnomasi 2025 yilda yakuniga yetadi.
Obameyang "Barselona" safida 24 ta o‘yinda maydonga tushib, 13 ta gol urdi va 1 ta golli uzatmani amalga oshirdi. Transfermarkt portali futbolchini 15 million yevroga baholamoqda.