"Барселона" ҳужумчиси Пьер-Эмерик Обамеянг "Челси"га ўтади. Журналист Руди Галеттининг хабар беришича, клублар келишувга эришган.
Манбага кўра, "Челси" 33 ёшли габонлик учун 20 миллион евро тўлайди, қолганини бонуслар кўринишида тўлаш мумкин.
Обамеянг 2022 йилнинг январида "Арсенал" билан шартномасини бекор қилгандан сўнг эркин агент сифатида "Барселона"га ўтган эди. Ҳужумчининг каталонияликлар билан амалдаги шартномаси 2025 йилда якунига етади.
Обамеянг "Барселона" сафида 24 та ўйинда майдонга тушиб, 13 та гол урди ва 1 та голли узатмани амалга оширди. Transfermarkt портали футболчини 15 миллион еврога баҳоламоқда.