"Vest Xem" bosh murabbiyi Devid Moyes "Chelsi" himoyachisi Emersonning transferi haqida gapirdi.
«Bu o‘ringa o‘yinchi topish qiyin edi, ammo Emerson har doim mening ro‘yxatimda birinchi o‘rinda turadi.
Umid qilamanki, u bizga nimalarga qodirligini ko‘rsatadi», - deydi Moyes.
28 yoshli italiyalik "bolg‘achilar" bilan 4 yillik shartnoma imzoladi. Shartnomada uni yana bir mavsumga uzaytirish varianti ham ko‘zda tutilgan.
Emerson o‘tgan mavsumda "Lion"da ijarada o‘ynagandi. U 36 ta o‘yin o‘tkazib, 1 ta gol urdi va 2 ta golli uzatmani amalga oshirdi.
