"Barselona" himoyachisi Jerar Pikega tegishli "Andorra" klubi "Manchester Yunayted"ning tunislik yarim himoyachisi Gannibal Mejbriga qiziqish bildirmoqda, deb xabar bermoqda L'Equipe.
Manbaga ko‘ra, Andorra klubi futbolchini 25 million yevro evaziga qayta sotib olish huquqi bilan 2025 yilning yoziga qadar ijaraga olmoqchi.
19 yoshli Mejbri 2019 yildan buyon “Manchester Yunayted” safida to‘p tepadi. Umuman olganda, u klub safida uchta o‘yin o‘tkazdi. Uning klub bilan shartnomasi 2026 yilning yoziga qadar mo‘ljallangan. Tunis terma jamoasi safida 16 ta o‘yin o‘tkazgan.