"Барселона" ҳимоячиси Жерар Пикега тегишли "Андорра" клуби "Манчестер Юнайтед"нинг тунислик ярим ҳимоячиси Ганнибал Межбрига қизиқиш билдирмоқда, деб хабар бермоқда L'Equipe.
Манбага кўра, Андорра клуби футболчини 25 миллион евро эвазига қайта сотиб олиш ҳуқуқи билан 2025 йилнинг ёзига қадар ижарага олмоқчи.
19 ёшли Межбри 2019 йилдан буён “Манчестер Юнайтед” сафида тўп тепади. Умуман олганда, у клуб сафида учта ўйин ўтказди. Унинг клуб билан шартномаси 2026 йилнинг ёзига қадар мўлжалланган. Тунис терма жамоаси сафида 16 та ўйин ўтказган.