"Manchester Siti" markaziy himoyachisi Lyuk Mbete-Tabu "Barselona"ga qarshi o‘tkazilgan xayriya uchrashuvining yakunida almashtirilishiga majbur bo‘ldi.
“Shaharliklar”ning 18 yoshli futbolchisi 64-daqiqada zaxiradan maydonga tushdi. Uchrashuv oxirida Mbete-Tabu “Barselona” himoyachisi Andreas Kristensen bilan to‘qnashib va natijada burnini sindirib oldi. Uzoq muddatli yordamdan so‘ng, yosh futbolchini shifokorlar elektromobilda maydonda olib chiqib ketishdi.
“Barselona” va “Manchester Siti” jamoalari o‘rtasidagi o‘rtoqlik uchrashuvi 3:3 hisobida yakunlandi.
Lyuk Mbete-Tabu "shaharliklar"ning asosiy tarkibida uchta rasmiy uchrashuvda, shuningdek, Angliya yoshlar terma jamoasida to‘rtta bahsda qatnashgan.
