"Arsenal" "Lion" yarim himoyachisi Lukas Paketaga qiziqishda davom etmoqda. Bu haqda RMC Sport nashrining belgiyalik muxbiri Sasha Tavolyeri ma’lum qildi.

Unga ko‘ra, Paketa "kanonirlar" uchun "Lester" a’zosi Yuri Tilemansdan ustun turadi. Biroq, Tavolyerining fikricha, "Arsenal" hozir Paketani transfer qilish uchun qishgacha kutishi mumkin.

Shuningdek, "Lion"ning aqshlik yangi sohibi Jon Tekstor jamoa yetakchilarini qo‘yib yuborish niyati yo‘q.

Avvalroq, "Lion" "Vest Xem"ga Paketani sotishdan bosh tortgani haqida xabar berilgandi.

24 yoshli braziliyalik o‘tgan mavsumda fransuz klubi safida barcha turnirlarda 44 ta o‘yinda maydonga tushib, 11 ta gol urdi va 7 ta golli uzatmani amalga oshirdi. Uning shartnomasi 2025 yilning yoziga qadar mo‘ljallangan.