"Арсенал" "Лион" ярим ҳимоячиси Лукас Пакетага қизиқишда давом этмоқда. Бу ҳақда RMC Sport нашрининг бельгиялик мухбири Саша Тавольери маълум қилди.
Унга кўра, Пакета "канонирлар" учун "Лестер" аъзоси Юри Тилемансдан устун туради. Бироқ, Тавольерининг фикрича, "Арсенал" ҳозир Пакетани трансфер қилиш учун қишгача кутиши мумкин.
Шунингдек, "Лион"нинг ақшлик янги соҳиби Жон Текстор жамоа етакчиларини қўйиб юбориш нияти йўқ.
Аввалроқ, "Лион" "Вест Хэм"га Пакетани сотишдан бош тортгани ҳақида хабар берилганди.
24 ёшли бразилиялик ўтган мавсумда француз клуби сафида барча турнирларда 44 та ўйинда майдонга тушиб, 11 та гол урди ва 7 та голли узатмани амалга оширди. Унинг шартномаси 2025 йилнинг ёзига қадар мўлжалланган.