O‘zbekiston U16 terma jamoasi bosh murabbiyi Jamoliddin Rahmatullayev “Mirabror Usmanov Memorial Cup” musobaqasi 2-turi doirasida Yaponiyaga qarshi o‘tkazilgan o‘yin (3:0) borasida o‘z fikrlari bilan o‘rtoqlashdi.

"Avvalambor, muxlislarimizni bugungi g‘alaba bilan tabriklayman. Chiroyli o‘yin va oxirigacha kurashgani uchun shogirdlarimga rahmat aytaman.

Yaponiya futbolda o‘z o‘rniga ega bo‘lgan mamlakat. Ular buni bugun ham isbotlashdi. Bolalarni ruhlantirishga, raqibdan cho‘chimasdan o‘ynash kerakligini tushuntirishga harakat qildik. Bu o‘z mevasini berdi.

Endi futbolchilar bilan tiklanish mashqlarini o‘taymiz va raqibdan kelib chiqib tayyorgarlik ko‘ramiz.

Ayni paytda bu terma bilan jamoaviy o‘yinni shakllantirish ustida ishlayapmiz. Yaponiyadek kuchli jamoaga qarshi bahsda asosiy tarkibni sinovdan o‘tkazdik. Keyingi o‘yinda esa tarkibda rotasiya qilinadi", — dedi Rahmatullayev.