AGMK jamoasi bosh murabbiyi Mirjalol Qosimov O‘zbekiston Kubogi nimchorak finalida "Metallurg" ustidan qozonilgan g‘alaba (3:1) haqida gapirdi.
"Muhimi, bugun oldimizga qo‘ygan maqsadga erishdik. Umuman bugun yaxshi o‘yin bo‘ldi. Ekstra taymlar bo‘lgani ham bunga isbot. O‘yinni yaxshi boshlay olmadik, dastlabki 25 daqiqada o‘yinimiz qovushmadi. O‘ttizinchi daqiqalardan so‘ng o‘yin tizginini qo‘limizga oldik, topni nazorat qildik. Ikkinchi bo‘lim to‘liq nazoratimiz ostida o‘tdi. Ammo birgina xato qimmatga tushishi mumkin edi. Shunga qaramasdan, yigitlar oxirgi daqiqagacha kurashishdi va kerakli natijalarga erishishdi. Biz muxlislar uchun o‘ynaymiz. Barcha muxlislarimizga bizni qo‘llab-quvvatlaganliklari uchun rahmat aytaman. Bundan keyin ham bizga muxlislik qilishlarini so‘rab qolaman".
