АГМК жамоаси бош мураббийи Миржалол Қосимов Ўзбекистон Кубоги нимчорак финалида "Металлург" устидан қозонилган ғалаба (3:1) ҳақида гапирди.
"Муҳими, бугун олдимизга қўйган мақсадга эришдик. Умуман бугун яхши ўйин бўлди. Экстра таймлар бўлгани ҳам бунга исбот. Ўйинни яхши бошлай олмадик, дастлабки 25 дақиқада ўйинимиз қовушмади. Ўттизинчи дақиқалардан сўнг ўйин тизгинини қўлимизга олдик, топни назорат қилдик. Иккинчи бўлим тўлиқ назоратимиз остида ўтди. Аммо биргина хато қимматга тушиши мумкин эди. Шунга қарамасдан, йигитлар охирги дақиқагача курашишди ва керакли натижаларга эришишди. Биз мухлислар учун ўйнаймиз. Барча мухлисларимизга бизни қўллаб-қувватлаганликлари учун раҳмат айтаман. Бундан кейин ҳам бизга мухлислик қилишларини сўраб қоламан".
