Yarim himoyachi Antoni “Ayaks”dan ketish istagini bildirdi.
Juma kuni Gollandiya klubi «Manchester Yunayted»ning 90 million yevrolik taklifini rad etgani malum bo‘lgandi.
«Bugun klub bilan bo‘lib o‘tgan uchrashuvda men ketish haqida fikrimni bildirdim, faqat bu safar stolda jiddiy taklif bilan buni aytdim. "Ayaks" menga o‘rinbosar topish uchun bor-yo‘g‘i 5 kun borligini aytib, rad javobini berdi.
Men "Ayaks"dan meni shunchaki qo‘yib yuborishini so‘ramayman. Meni rekord narxga sotishini so‘rayman. Fevral oyidan beri klub o‘zini bemalol tiklab olishi uchun buni talab qilib kelyapman.
Transfer oynasi vaqtida o‘zaro uchrashuvlar davom etdi va "Ayaks"dan shartnomani uzaytirish bo‘yicha taklif oldim. Ammo men ketishni xohlayotganimni yana bir bor aniq aytdim», - deydi Antoni Fabrisio Romanoga bergan intervyusida.
