Ярим ҳимоячи Антони “Аякс”дан кетиш истагини билдирди.

Жума куни Голландия клуби «Манчестер Юнайтед»нинг 90 миллион евролик таклифини рад этгани малум бўлганди.

«Бугун клуб билан бўлиб ўтган учрашувда мен кетиш ҳақида фикримни билдирдим, фақат бу сафар столда жиддий таклиф билан буни айтдим. "Аякс" менга ўринбосар топиш учун бор-йўғи 5 кун борлигини айтиб, рад жавобини берди.

Мен "Аякс"дан мени шунчаки қўйиб юборишини сўрамайман. Мени рекорд нархга сотишини сўрайман. Февраль ойидан бери клуб ўзини бемалол тиклаб олиши учун буни талаб қилиб келяпман.

Трансфер ойнаси вақтида ўзаро учрашувлар давом этди ва "Аякс"дан шартномани узайтириш бўйича таклиф олдим. Аммо мен кетишни хоҳлаётганимни яна бир бор аниқ айтдим», - дейди Антони Фабрицио Романога берган интервьюсида.