"Nyukasl" "Ayaks" yarim himoyachisi Edson Alvares uchun yangi taklif tayyorlamoqda.

Zona TUDN xabariga ko‘ra, ingliz klubi 24 yoshli meksikalik uchun 40 million yevro to‘lashga tayyor. 30 millionlik birinchi taklif rad etildi.

Alvares "Ayaks"da 2019 yilning iyulidan beri to‘p tepadi. Uning amaldagi shartnomasi 2025 yilda yakuniga yetadi. Transfermarkt portali futbolchining narxini 22 million yevroga baholamoqda.

O‘tgan mavsumda yarim himoyachi 41 ta o‘yinda maydonga tushib, 5 ta gol urdi va 1 ta golli uzatmani amalga oshirdi.