"Ньюкасл" "Аякс" ярим ҳимоячиси Эдсон Альварес учун янги таклиф тайёрламоқда.
Zona TUDN хабарига кўра, инглиз клуби 24 ёшли мексикалик учун 40 миллион евро тўлашга тайёр. 30 миллионлик биринчи таклиф рад этилди.
Альварес "Аякс"да 2019 йилнинг июлидан бери тўп тепади. Унинг амалдаги шартномаси 2025 йилда якунига етади. Transfermarkt портали футболчининг нархини 22 миллион еврога баҳоламоқда.
Ўтган мавсумда ярим ҳимоячи 41 та ўйинда майдонга тушиб, 5 та гол урди ва 1 та голли узатмани амалга оширди.