"Manchester Yunayted" "Barselona" bilan niderlandiyalik hujumchi Memfis Depayning transferi bo‘yicha kelishuvga erisha olmayapti, deb yozmoqda jurnalist Fabrisio Romano o‘zining Twitter sahifasida.
Manbaga ko‘ra, ingliz klubi hujumchi uchun talab qilinadigan 10 million yevroni to‘lamoqchi emas. Mankunianliklar niderlandiyalik futbolchi kataloniyaliklar bilan shartnomani buzishi va u bilan tekinga kelishuvni imzolash mumkinligiga umid qilishmoqda.
28 yoshli Depay joriy mavsumda “Barselona” safida birorta ham o‘yinda ishtirok etmadi. Uning klub bilan shartnomasi 2023 yilning yoziga qadar mo‘ljallangan.
