"Манчестер Юнайтед" "Барселона" билан нидерландиялик ҳужумчи Мемфис Депайнинг трансфери бўйича келишувга эриша олмаяпти, деб ёзмоқда журналист Фабрицио Романо ўзининг Twitter саҳифасида.
Манбага кўра, инглиз клуби ҳужумчи учун талаб қилинадиган 10 миллион еврони тўламоқчи эмас. Манкунианликлар нидерландиялик футболчи каталонияликлар билан шартномани бузиши ва у билан текинга келишувни имзолаш мумкинлигига умид қилишмоқда.
28 ёшли Депай жорий мавсумда “Барселона” сафида бирорта ҳам ўйинда иштирок этмади. Унинг клуб билан шартномаси 2023 йилнинг ёзига қадар мўлжалланган.
