“Liverpul” yarim himoyachisi Jordan Xenderson jamoaning mavsum boshidagi natijalarini yaxshi emas deb hisoblaydi. Eslatib o‘tamiz, mersisaydliklar Angliya Premyer-ligasida o‘tkazgan uchta boshlang‘ich o‘yinning birortasida ham g‘alaba qozona olmagan.
“Mavsum boshida omadsizlikka uchradik, deyishning ma’nosi yo‘q. Biz talab qilinadigan standartlardan pastroq boshladik - bu qabul qilinishi mumkin emas. Vaziyatni imkon qadar tezroq tuzatishimiz kerak”, dedi Xenderson “Liverpul” rasmiy saytiga bergan intervyusida.
Bugun mersisaydliklar 4-tur o‘yinini o‘z maydonida "Bornmut"ga qarshi o‘tkazadi.
