“Ливерпуль” ярим ҳимоячиси Жордан Хендерсон жамоанинг мавсум бошидаги натижаларини яхши эмас деб ҳисоблайди. Эслатиб ўтамиз, мерсисайдликлар Англия Премьер-лигасида ўтказган учта бошланғич ўйиннинг бирортасида ҳам ғалаба қозона олмаган.
“Мавсум бошида омадсизликка учрадик, дейишнинг маъноси йўқ. Биз талаб қилинадиган стандартлардан пастроқ бошладик - бу қабул қилиниши мумкин эмас. Вазиятни имкон қадар тезроқ тузатишимиз керак”, деди Хендерсон “Ливерпуль” расмий сайтига берган интервюсида.
Бугун мерсисайдликлар 4-тур ўйинини ўз майдонида "Борнмут"га қарши ўтказади.
