“Andijon” – “Sho‘rtan” (2:1) o‘rtasidagi uchrashuvdan keyin tashkil qilingan matbuot anjumanining ikkinchi qismida jamoamiz bosh murabbiyi Viktor Kumikov ishtirok etdi.

— Doimgidek, juda og‘ir g‘alaba. Biznikilar o‘yinda ustunlik qilishdi. Birinchi bo‘limni yaxshi boshladik, biroz ustunlik bor edi. Gol ham urdik. Ikkinchi bo‘limda o‘yinni kuchaytirish uchun o‘zgarishlar qildik. Lekin aksi bo‘lib chiqdi. Biz qatorasiga uchta og‘ir o‘yinlarni o‘tkazdik. Ushbu o‘yinlarda bir xil tarkib bilan harakat qildi. Shuning uchun asosiy tarkibda 4 ta  o‘zgarishlarga qo‘l urdik.  Bugun asosiy tarkibda tushgan o‘yinchilarga o‘yin amaliyoti kerak deb, shuni o‘ylagan holda tavakkal qilib, o‘zgarish qilgandik. Hech qisi yo‘q, asosiysi, g‘alaba qozondik.

— Aynan uchta o‘zgarishdan keyin gol o‘tkazib yubordik...
— Men aksincha o‘ylagan edim. Ularga uqtirdik, sizlar yangi kuchsizlar, orqaga yotmasdan faqat oldinga intilish kerakligini aytgandim. Biroz birinchi bo‘limdagidek pressing qildik. Shunday holatdan o‘zim ham hayronman.

— Balki jamoangiz natijani ushlash uchun o‘ynagandek ham tuyuldi...
— Albatta, natija bo‘lishi kerak. Gol o‘tkazgandan keyin o‘zimizga kelib, vaziyatlar qildik. Gol urganimizdan so‘ng yana o‘sha o‘yinimizga qaytib oldik.

— Lekin jamoangiz avgust oyida 4 ta o‘yinda 4 ta g‘alaba qozondi...
— Bilasizlarmi, futbolchilarga bugungi o‘yinga ham oldingi o‘yinlardagidek “nastroy” qilib tushish kerakligini uqtirdim. Lekin bu o‘yinga bunday ruhda tushishmadi.

“Andijon” matbuot xizmati.