Madridning “Atletiko” klubiga tegishli bo‘lgan himoyachi Renan Lodi faoliyatini Angliya Premyer-ligasida davom ettiradi. Insayder Nikolo Skiraning so‘zlariga ko‘ra, 24 yoshli futbolchi bilan “Nottingem Forest” shartnoma imzolaydi.
Tomonlar muvaffaqiyatli muzokaralar olib borishdi va futbolchining transferi borasida kelishib olishdi. “O‘rmonchilar” Lodini ijaraga olishadi, bu esa ularga besh million yevroga tushadi. Ijara shartnomasi tugagach, ingliz klubi Renanni 30 millionga sotib olishi mumkin bo‘ladi.
"Nottingem Forest" himoyachi bilan shaxsiy mehnat shartnomasi shartlari bo‘yicha kelishib oladi.
Lodi 2019 yildan beri “matraschilar” jamoasida o‘ynab kelmoqda. Uning ispan klubi bilan shartnomasi 2025 yilning o‘rtalariga qadar mo‘ljallangan.