Мадриднинг “Атлетико” клубига тегишли бўлган ҳимоячи Ренан Лоди фаолиятини Англия Премьер-лигасида давом эттиради. Инсайдер Николо Скиранинг сўзларига кўра, 24 ёшли футболчи билан “Ноттингем Форест” шартнома имзолайди.
Томонлар муваффақиятли музокаралар олиб боришди ва футболчининг трансфери борасида келишиб олишди. “Ўрмончилар” Лодини ижарага олишади, бу эса уларга беш миллион еврога тушади. Ижара шартномаси тугагач, инглиз клуби Ренанни 30 миллионга сотиб олиши мумкин бўлади.
"Ноттингем Форест" ҳимоячи билан шахсий меҳнат шартномаси шартлари бўйича келишиб олади.
Лоди 2019 йилдан бери “матрасчилар” жамоасида ўйнаб келмоқда. Унинг испан клуби билан шартномаси 2025 йилнинг ўрталарига қадар мўлжалланган.