O‘zbekiston kubogida muvaffaqiyatli ishtirok etayotgan “Andijon” yarim final yo‘lida 3 sentyabr kuni AGMK klubini qabul qiladi. MTRK bilan kelishuv asosida ½ final bellashuvlari 2-3 sentyabr kunlari o‘tishi avvaldan belgilab qo‘yilgandi. O‘z-o‘zidan OFK kubogida ishtirok etayotganidan kelib chiqib, “So‘g‘diyona” ishtirokidagi o‘yin hamda Coca-cola Superliganing 17-turini nisbatan ertaroq o‘tkazayotgan Namangan va Toshkent grandlari ishtirokidagi o‘yin 2 sentyabrda o‘tishi oydinlashdi. Qolgan ikki bellashuv esa 3 sentyabrdan joy oldi.
Elita yo‘lida kurash olib borayotgan Muborak va Andijon jamoalari 6 sentyabr kuni Pro liga doirasida to‘qnash kelishi kerak edi. Kubok o‘yini sabab mazkur bellashuv 7 sentyabrda bo‘lib o‘tadi. Pro liganing 18-tur bellashuvlari esa o‘zgarishsiz qoladi va barcha jamoalar sport prinsiplaridan kelib chiqib, I bosqichning so‘nggi turini bir vaqtda o‘tkazadi.
