Yaqin kelajakda "Atletiko" chap qanot himoyachisi pozisiyasida o‘zgarishlar amalga oshirishi kutilmoqda.
Insayder Fabrisio Romanoning so‘zlariga ko‘ra, Renan Lodi "Nottingem Forest"ga o‘tishdan oldin tibbiy ko‘rikdan o‘tish uchun bugun Angliyaga keladi. Klublar braziliyalik futbolchini 5 million yevro evaziga ijaraga olishiga kelishib oldilar va shartnomada uni 30 million yevroga sotib olish varianti ham bor.
Marca xabariga ko‘ra, kelishuv bugun kechqurun e’lon qilinishi mumkin. Himoyachi sotib olingan taqdirda 2027 yilgacha mo‘ljallangan shartnoma bo‘yicha "Nottingem" bilan bog‘lanadi.
"Tottenxem" futbolchisi Serxio Regilon "Atletiko Madrid"da Lodi o‘rnini egallaydi. Bu sotib olish huquqisiz ijara bo‘ladi.
