Яқин келажакда "Атлетико" чап қанот ҳимоячиси позициясида ўзгаришлар амалга ошириши кутилмоқда.
Инсайдер Фабрицио Романонинг сўзларига кўра, Ренан Лоди "Ноттингем Форест"га ўтишдан олдин тиббий кўрикдан ўтиш учун бугун Англияга келади. Клублар бразилиялик футболчини 5 миллион евро эвазига ижарага олишига келишиб олдилар ва шартномада уни 30 миллион еврога сотиб олиш варианти ҳам бор.
Marca хабарига кўра, келишув бугун кечқурун эълон қилиниши мумкин. Ҳимоячи сотиб олинган тақдирда 2027 йилгача мўлжалланган шартнома бўйича "Ноттингем" билан боғланади.
"Тоттенхэм" футболчиси Серхио Регилон "Атлетико Мадрид"да Лоди ўрнини эгаллайди. Бу сотиб олиш ҳуқуқисиз ижара бўлади.
