"PSJ" "Monako" himoyachisi Aksel Disasini o‘z safiga qo‘shib olmoqchi, deb yozmoqda jurnalist Saber Defarj o‘z tvitterida.
Manba bergan xabarga ko‘ra, parijliklar avvalroq 24 yoshli futbolchiga qiziqish bildirishgan va 28 avgust, yakshanba kuni muzokaralar o‘tkazilgan. "PSJ" yaqin soatlarda rasmiy taklif bilan chiqishi mumkin.
Disasi "Monako"da 2020 yildan buyon to‘p tepadi. 2022/23 yilgi mavsumda himoyachi jamoa safida barcha musobaqalarda 6 ta o‘yinda maydonga tushib, bitta gol urdi va bitta golli uzatmani amalga oshirdi.
Fransiyalik futbolchining klub bilan shartnomasi 2025 yilning yoziga qadar tuzilgan.
